Categories Lajme

“Vëllai mbeti i vrarë nga bombardimet në Gaza”, si u vra i riu me nënshtetësi shqiptare para nisjes së armëpushimit

Lufta mes Izraelit dhe Hamasit i ka marrë jetën edhe një shqiptaro palestinezi. Një ditë përpara nisjes së armëpushimit, një predhë avioni në mes të ditës shkaktoi vdekjen e disa personave mes tyre edhe të Ibrahim Jaber i lindur në Tiranë mbajtës i një pasaporte shqiptare. I vëllai Ahmedi që ka mbetur vetëm në Tiranë prej tre javësh nuk kishte asnjë informacion për Ibrahimin. Por tashmë e ka marrë lajmin e kobshëm të humbjes së vëllait 20 vjeçar.

I intervistuar nga gazetari Top Channel Muhamed Veliu, ai tregon se në çfarë rrethanash vëllai humbi jetën?

“Babi ishte i sëmurë nga këmba. Ishte shumë keq. Vëllai iku të blinte ilaçin. Tha unë nuk do të rri të shikoj babin kështu të sëmurë të shtrir në krevat. Iku të blinte ilaçin dhe u zhduk. U ndërprenë lajme për të për pesë ditë pastaj filloi armë pushimi. Filluan njerëzit të pyesnin njëri tjetrin deri sa u mor vesh lajmi që ka humbur jetën. Unë tani sinqerisht mund t’ju them se nuk kam vlerë në këtë jetë se vëllai ishte ai që me jepte vlerën. Vetëm vëllai për Zotin. Neve plotësonim njëri tjetrin. Unë tani jam bosh se shpirti im ka humbur. Jo vetëm vëllai se me ishim tërë kohën bashkë.”, pohoi ai.

Në të tilla kushte me vëllanë që ia mori lufta Ahmed Jaber,  zemrën e shpirtin e ka në Gaza me shpresën e një paqeje të afërt. “Mezi po pres lufta e të ketë armëpushim. Të iki të takoj familjen. Mamin ta përqafoj. Të shkoj tek vëllai. Ti them mirupafshim të paktën. Nuk e përqafova dot para se ta varrosja. Kisha dëshirë ta varrosja unë, por isha larg dhe kjo është shumë e vështirë.”, tha ai.

Ibrahimi së bashku me babanë palestinez Abdullain, nënën shqiptare Albinën dhe vëllanë Jacob, supozoheshin të ktheheshin në Shqipëri më 9 tetor. Por mbetën të bllokuar në Gaza si pasojë e nisjes së luftës më 7 tetor. Pas intervistën, Ministria e Punëve të Jashtme kontaktoi me të përmes ambasadës tonë në Egjipt për t’i ofruar nxjerrjen nga Gaza bashkë me familjen. Por Abdullah në tjetër intervistë po për Top Channel,  shpjegoi se nuk mund të largohej pasi nuk mund të linte pas nënën e moshuar dhe motrën. Nga ky mos-largim ndodhi ajo që ai lutej mos të ndodhte. Lufta nuk ia kurseu  jetën e djalit./Topchannel

“Vëllai mbeti i vrarë nga bombardimet në Gaza”, si u

Leave a Reply

Your email address will not be published. Required fields are marked *

Lexoni Gjithashtu

Categories Lajme

Gjykata vendosi burg me afat për Armando Sulejmanin/ Zbardhet dëshmia…

Gjykata e Durrësit ka vendosur masën arrest me burg për 2 muaj për Armando Sulejmanin,…

LEXO ME SHUME
Categories Lajme

Tiranë/ I shpallur në kërkim, arrestohet 40-vjeçari

Ditën e sotme, në rrugën “Jordan Misja”, forcat e policisë kanë arrestuar shtetasin Kledist Hysa,…

LEXO ME SHUME
Categories Lajme

Zbardhet ngjarja në Don Bosko/ Kasandër Noga dyshohet se dha urdhër për vrasje, por autorët ngatërruan objektivin

Drejtori i Policisë Tiranë Tonin Vocaj ka zbardhur detaje për një ngjarje e rëndë kriminale,…

LEXO ME SHUME
Categories Lajme

“Zgjidhja nuk ishte vrasja”, sociologu për ngjarjen në Durrës: Familja shqiptare është zhytur thellë në kriminalitet

Sociologu, Gëzim Tushi, ka komentuar ngjarjen e rëndë që u raportua mëngjesin e kësaj të premte në…

LEXO ME SHUME
Categories Lajme

Zbardhet dëshmia e djalit që vrau babanë: I thashë çohu dhe e qëllova katër herë me pistoletë

Është zbardhur dëshmia e djalit të madh të familjes Meta, Hyseni, i cili vrau babanë…

LEXO ME SHUME