Vetëvaret në kasollen pranë banesës 18 vjeçari, shkaku dyshohet nga probleme të moshës. Policia e shtetit informon se një ditë më parë, në fshatin Miras, Devoll, është gjetur nga familjarët e tij, i vetëvarur në kasollen pranë banesës, shtetasi E. M., 18 vjeç.
‘Nga këqyrja e trupit, nuk janë konstatuar shenja dhune’ njofton policia ndërsa nuk jep detaje të tjera nga hetimet e ngjarjes tragjike. Varrimi i 18 vjeçarit që u zhvillua sot ( e enjte) është përcjellë me dhimbje nga banorët e fshatit Miras dhe të afërm të adoleshentit. Sipas të dhënave të para të rezervuara, shkaku i vetëvarjes së 18 vjeçarit përcaktohet ‘ nga probleme të moshës’.
