Pas zbulimit të mutacionit të ri të Coronavirust në Britaninë e Madhe, ku shumë shtete në
Bashkimin Evropian por edhe më gjerë pezulluan fluturimet, disa fqinjë të Anglisë si Franca dhe Hollanda ndaluan transportin rrugor dhe atë detar për të parandaluar përhapjen e Covid-19, këtë të mërkurë shkak i bllokimit të kamionëve jashtë portit britanik të Dover shoferët janë përleshur me policinë pasi kërkuan që të lejoheshin të kalonin në Francë.
Mijëra shoferë kamionësh, janë bllokuar në Jug të Anglisë, duke rrezikuar të kalojnë pushimet larg familjeve të tyre. Sipas Sky News, i cili transmetoi pamjet e përplasjeve, tensionet janë të larta për shkak të vonesave në hapjen e tragetit. Prania e policisë në zonë vlerësohet se nuk është aq e fortë sa të vërë nën kontroll incidentet, duke qenë se ka 8-10 mijë kamionë në vend.
Sipas informacionev, megjithëse ekziston një plan i qartë që parashikon akomodimin në hotel për ata shoferë të cilët rezultojnë pozitivë për koronavirusin, dhe për këtë arsye nuk lejohen të kalojnë në Francë, ata janë të tensionuar dhe situata po përshkallëzohet. Kujtojmë se qeveritë e Francës dhe Britanisë njoftuan dje se kishin arritur një marrëveshje që do të lejojë kamionët që ishin bllokuar në Mbretërinë e Bashkuar dhe të kalonin vetëm ata shoferë që rezultojnë negativë në testin e SARS-CoV-2
