Dhurata Dora ka publikuar këngën e saj më të re që mban titullin “Criminal”. Projekti është realizuar me videoklip dhe është publikuar në Youtube pak orë më parë. Prodhuar nga Jugglerz dhe Panda Music ndërsa për tekstin është kujdesur vetë këngëtarja me Tonic, Denk, dhe Hägi.
Ajo që tërheq vëmendjen është dhe look-u i këngëtares, ku shfaqet shumë ndryshe nga herët e tjera.
Në fillim, Dhurata shfaqet me flokët e gjata të zeza dhe me balluke ndërsa më pas “shndërrohet” në një bionde me flokë më të shkurtra. Kjo është kënga e re që sjell pas duetit të suksesshëm me Noizy-n. Dyshja e famshme kanë zbuluar se “Mi Amor” nuk do të jetë i vetmi duet mes tyre.
Ndërkohë, Dhurata pritet të sjellë një bashkëpunim dhe me Ledri Vulën ndërsa po përgatit dhe albumin e saj, për të cilin ende nuk ka ndarë asnjë detaj.
