Greqia është kthyer në një vatër kaosi nëpër stadiume. Rasti më i fundit u shënua në takimin e Ligës së Kampionëve mes AEK Athinë dhe Ajax. Në prag të nisjes së duelit të Grupit E një bombë me benzinë shpërtheu brenda stadiumit.
Objekt i sulmit ishin tifozët holandez, të cilët pësuan lëndime të rënda. Pas këtij episodi të frikshëm, policia shpërndau tifozët vendas, të cilët hodhën shishe plastike dhe objekte të tjera drejt tifozëve të Ajax. Sipas mediave greke, asnjë protagonist nuk përfundoi në prangat e policisë.
Autoritetet arritën të qetësonin situatën në kohë, duke bërë që ndeshja të vijonte normalisht. Edhe në pjesën e dytë u dëgjuan shpërthime fishekzjarresh, shumë pranë tribunave ku ndodheshin miqtë. Ndarja me tela mes tyre e fushës dhe barrierat prej xhami i pengonin ata që të iknin.
Skenat tronditëse vijnë vetëm pak orë pas rrëmujave që tifozët e AEK shkaktuan në rrugët e kryeqytetit grek, ku fillimisht u përplasen fizikisht me tifozët e Ajax, ndërsa më pas shkaktuar kaos në pranë zyrave të policisë së qytetit si dhe bllokuan trafikun, pasi disa të rinj hodhën bomba benzine tek tifozët rival dhe policia.
Sa i përket përballjes, Ajax siguroi një biletë për në raundin e 1/16-ave, pasi triumfoi 2-0 ndaj AEK dhe u ngjit e dyta në grup me 10 pikë.
