Ky është momenti i çuditshëm kur një pjesë mishi prej pule i cili ishte i copëtuar në një pjatë dhe i papërpunuar duket se ka vendosur të zvarritet prej pjatës së klientit dhe të hidhet në dysheme. Videoja u postua në Facebook nga Rie Phillips, nga Florida, dy javë më parë dhe që atëherë është parë më shumë se katër milionë herë. Ajo tregon një pjesë të mishit të papërpunuar në pjatë në restorantin e paidentifikuar e cila papritmas lëviz nga pjata para se të bjerë mbi dysheme ndërsa dëgjohen edhe britmat e një gruaje. Shikuesit dolën me një mori të teorive rreth lëvizjes së mishit, me disa që sugjeronin se videoja ishte e falsifikuar dhe të tjerët thoshin se mbaresa nervore në mish mund ta ketë lejuar atë të lëvizë. Video fillon duke treguar një tavolinë restoranti me pjatën e mishit të papërpunuar, një tas të ushqimit dhe një pjatë me shkopinj mbi të. Një nga shikuesit e videos shkroi në koment se me siguri mishi ishte lidhur me një fije të hollë dhe të pa dukshme përmes së cilës e tërhiqte dikush ndaj edhe lëvizte.
