Presidenti i Shqipërisë, Ilir Meta gjatë vizitës në SHBA ka takuar edhe sekretarin Amerikan të Shtetit. Përmes një postimi në rrjetet sociale, kreu i shtetit shqiptar shprehet se me Mike Pompeo biseduan për partneritetin mes dy vendeve.
“Shumë i lumtur të isha sot në krah të Sekretarit të Shtetit, Mike Pompeo gjatë Mëngjesit të Lutjeve në Uashington. Folëm për partneritetin e shkëlqyer të dy vendeve tona dhe rëndësinë e forcimit të sigurisë dhe stabilitetit në rajonin tonë. Zoti e bekoftë miqësinë shqiptaro-amerikane’ thotë Meta.
