Një person është arrestuar gjatë pasdites së djeshme në Mitrovicë, pasi që dyshohet se ka rrahur gruan e djalit të tij, shkruan Gazeta Metro. Policia e Kosovës kanë njoftuar për rastin, për të cilin thonë se në jug të Mitrovicës, një person ka ushtruar dhunë fizike ndaj nuses së djalit të tij.
Si pasojë e plagëve të marra, viktima ka pranuar trajtim mjekësor, ndërkaq i dyshuari, me vendim të prokurorit është dërguar në mbajtje. “Tuneli i Parë, Mitrovicë Jug 27.01.2020 – 15:23. Është arrestuar i dyshuari mashkull K-Shqiptar, pasi që i njëjti ka ushtruar dhune psikike dhe fizike ndaj nuses së djalit të tij viktimës femër K-Shqiptare. Viktima ka pranuar tretman mjekësor, ndërsa me vendim të prokurorit, i dyshuari është dërguar në mbajtje”, thuhet në njoftimin e Policisë
