Vlora që na kujton e na mëson!

Më shumë se kurrë më parë jemi përballë detyrimeve e përgjegjësive. Historia na ka dhënë mjaftueshëm për të kuptuar. Partia Demokratike u themelua në dhjetor 1990, por rrënjët e saj, të konservatorizmit të ndritshëm shqiptar, janë te Ismail bej Vlora, Naim bej Frashëri, në Lidhjen e Prizrenit, në Kongresin e Manastirit, në Kongresin e Lushnjës, në Epopenë e Luftës së Vlorës… Nderojmë rrënjët tona të vjetra e të reja, të gatshëm që me përulësi e me vullnet, në emër të porosive të etërve të kombit, t’i kthejmë Shqipërisë vlerat e atdhedashurisë, të punës, të familjes, të besës te Zoti, te Flamuri, te vëllazërimi mes shqiptarësh! I përjetshëm qoftë kujtimi e mësimi që solli Vlora më 1920-ën!