Dy persona, një në Vlorë një në Sarandë janë arrestuar nga policia për zjarrvënie. Në pranga ka rënë 41-vjeçari G.M., banues në fshatin Tragjas, pasi dyshohet se ka djegur një sipërfaqe 1500 m2 me shkurre dhe rreth 20 rrënjë ullinj, në këtë zonë. Gjithashtu një tjetër person është arrestuar për veprën penale “Shkatërrimi i pronës me zjarr”.
Uniformat blu bëjnë me dije se është vënë në pranga 23-vjeçari Sh.L., banues në Sarandë pasi ka djegur me zjarr një sipërfaqe kullote në fshatin Shelegas.
Njoftimi i policisë: Në Vlorë e Sarandë kapen dhe vihen në p ranga 2 autorë të dyshuar për zjarrvënie.
Në vijim të punës hetimore për identifikimin dhe kapjen e autorëve të zjarrvënieve, si rezultat i informacioneve dhe provave të grumbulluara, nga specialistët për Hetimin e Krimeve në Stacionin e Policisë Orikum, në bashkëpunim me strukturat hetimore të DVP Vlorë, u bë arrestimi në flagrancë i shtetasit G. M, 41 vjeç, banues në fshatin Tragjas.
Ky shtetas dyshohet se ka djegur me zjarr një sipërfaqe 1500 m2 me shkurre dhe rreth 20 rrënjë ullinj, në fshatin Tragjas. Gjithashtu, nga specialistët për Hetimin e Krimeve në Komisariatin e Policisë Sarandë u bë arrestimi në flagrancë i shtetasit Sh. L., 23 vjeç, banues në Sarandë.
Ky shtetas dyshohet se ka djegur me zjarr një sipërfaqe kullosore në fshatin Shelegar. Materialet në ngarkim të tyre i kaluan Prokurorisë, për veprën penale “Shkatërrimi i pronës me zjarr”.
Drejtoria Vendore e Policisë Vlorë apelon për të gjithë banorët dhe në veçanti për ata që kanë në përdorim sipërfaqe kullosore, që në asnjë rast mos shkaktojnë zjarrvënie, pasi do përballen me ligjin. Policia fton qytetarët që të denoncojnë në numrin 112 dhe Komisariatin Dixhital për çdo rast të zjarrvënies apo të paligjshmërisë në tërësi duke iu garantuar anonimatin dhe reagim të shpejtë e të paanshëm nga strukturat policore.
