Një aksident me pasojë vdekje ka ndodhur mesditen e sotme (1 nëntor 2022) në fshatin Bestrovë të Vlorës.
Makina ka përplasur dy biçikleta me të cilat po udhëtonin një çift turistësh francez burrë e grua.
Gruaja ka ndërruar jetë rrugës për në spital ndërsa i shoqi është në gjendje të rëndë në spital.
Policia ndodhet në vendngjarje dhe po punon për zbardhjen e rrethanave të aksidentit
Vlorë/Informacion paraprak Rreth orës 15:20, në aksin rrugor Bestrov-Vlorë, automjeti me drejtues shtetasin Kristi Dano, 24 vjeç, banues në fshatin Oshtimë, Vlorë, ka aksidentuar 2 shtetas francezë (bashkëshortë), që udhëtonin me 2 biçikleta.
Si pasojë e aksidentit ka ndërruar jetë shtetasja franceze V. K., 51 vjeçe, ndërsa bashkëshorti i saj shtetasi F. M., 47 vjeç, ndodhet në spitalin e Vlorës, nën kujdesin e mjekëve. Drejtuesi i automjetit, shtetasi K. D., u shoqërua në Komisariat, për veprime të mëtejshme. Në vendngjarje ndodhet grupi hetimor, i cili po punon për sqarimin e plotë të rrethanave të aksidentit.
