Projekti Friends4Family Interreg IPA CBC Itali-Shqipëri-Mali i Zi 2014-2020 është në fazën e tij përfundimtare dhe do të përfundojë në fund të këtij viti. Këshilli i Qarkut Vlorë do të jetë institucioni përgjegjës për organizimin e konferencës përfundimtare në Shqipëri.
Ky aktivitet do të mbahet në Vlorë dhe do të mbulojë rezultatet kryesore të projektit, do të zhvillohet një sesion mbi turizmin familjar dhe gjithashtu do të mbahet një intervistë në studio në televizion lokal.
Eshtë e rëndësishme që kjo konferencë përfundimtare në Shqipëri të mbahet me prezencën e të gjithë aktorëve të lidhur me fushën e turizmit familjar në mënyrë që jo vetëm të komunikohen rezultatet e projektit FRIENDS4FAMILY, por edhe të mundësohen diskutime ballë për ballë dhe të shkëmbehen njohuritë e strukturave dhe bizneseve të ngjashme italiane, me mundësi për të zgjeruar bashkëpunimin. Programi i Konferencës përfshin, nga njëra anë, shembuj të ndryshëm të praktikave më të mira nga bizneset në Itali nga Rajoni Pulia të cilët janë bashkuar me rrjetin e krijuar nga partnerët e projektit FRIENDS4FAMILY.
Nga ana tjetër, pyetje të tilla si “si ta bëjmë turizmin familjar në rajonet përkatëse më të qëndrueshëm” dhe “si ta kthejmë turizmin familjar në vlerë të shtuar për popullatën vendase” do të trajtohen nga palë të ndryshme të interesuara dhe pjesëmarrës në këtë aktivitet. Pas këtij diskutimi, një intervistë e drejtpërdrejtë në studio do të bëhet në një stacion televiziv lokal dhe kjo gjithashtu do të transmetohet në internet në faqen e projektit në facebook dhe do të ndahet në faqet e tjera përkatëse të partnerëve të projektit në facebook.
Gjithashtu konsiderata në lidhje me nevojat rajonale dhe kombëtare do të ndahen gjithashtu me audiencën. Për më tepër, një analizë e thelluar e arritjeve të projektit FRIENDS4FAMILY gjatë implementimit të projektit, dhe sesi projekti FRIENDS4FAMILY mund të kontribuojë në zhvillimin e mëtejshëm të ekosistemit të qëndrueshëm për turizmin familjar do të diskutohet në këtë aktivitet.
