Ditën e premte të dates 26 qershor 2020, përfaqësuesit e 50 bizneseve të cilët prej vitesh operojnë në vijën bregdetare të Zvërnecit dhe Nartës u ngritën në një protestë paqësore përpara Bashkisë së Vlorës, pasi sipas tyre të enjten e kaluar përfaqësues të IKMT i kishin komunikuar verbalisht se bizneset e tyre do të shembeshin. Një ditë më pas, edhe me ndërhyrjen e medias bizneset morën zgjidhje.
Ka qenë vetë kryeministri Rama i cili ka organizuar një takim në bregdetin e Zvërnecit ku është takuar me përfaqësues të pushtetit lokal dhe përfaqssues të bizneseve, teksa i ka garantuar turoperatorët se do të vazhdojnë punën edhe për këtë vit, teksa kushdo që qëndron i rregullt me dokumentacionet dhe taksat vendore biznesi i tij do të operoj edhe përtej shtatorit.
Fakt të tillë e komunikojnë edhe vetë përfaqësuesit e bizneseve në Zvërnec të cilët ndihen vërtet të kënaqur për mbështetjen e marr nga kryeministri Rama. Sipas tyre bizneset e Zvrnecit zbatojnë tashmë çdo masë dhe protokoll të ministrisë së shëndetësisë duke patur luksin e hapësirës bregdetare që ju lejon t’i zbatojnë. Turoperatorët e Zvërnecit e shohin si pozitiv vendimin e marr, teksa shprehen se cdo vitë operojnë me dokumentacione të rregullta duke paguar të gjitha taksat vendore. Për ta vendimi i shembjes së objekteve ishte i paprecedentë, pasi ju kërkohej dokumentacion pronësie, gjë e pamundur, pasi bregdeti sipas tyre në asnjë vend të botës nuk ka pronar.
50 bizneseve në plazhin e Zvërnecit dhe të Nartës ju komunikua të enjten e 25 qershorit verbalisht se bizneset e tyre do të shembeshin, kjo ngjalli një reagim dhe sesnibilizim të tyre të cilët u ngritën në një protestë paqësore pranë bashkisë së qytetit ku kërkuan ti lejonin të punonin dhe për këtë sezon. Kërkesë kjo e cila u plotësuar pas një takimi që zhvilluan me kryeministrin Rama i cili ditën e shtunë ishte prezent në qytetin e Vlorës.
