Pas përfundimit të zgjedhjeve parlamentare të 25 prillit sërish në ambientet e pallatit të sportit janë rikthyer 6 stenda për të vazhduar procesin e vaksinimit. Në të gjitha pikat e vaksinimit po vijohet me individët të cilët po marrin dozën e dyte të vaksinës Sinovac ndërsa të sëmurët kronike po vaksinohen me Astrazeneca dhe Phizer.
Që prej 18 shkurtit numri i të vaksinuarëve ka arritur përafërsisht në shifrën 42 mijë . shefi i epidemiologjisë në Vlorë Agron Bashllari është shprehur se procesi i vaksinimit në Vlorë po ecen me ritme të shpejta.
Procesi i vaksinimit në Vlorë po aplikohet në të gjitha qendrat shëndetsore në stendën kryesore në Skelë dhe në ambientet e pallatit të sportit ku tashmë po aplikohet edhe doza e dytë për personat që kanë marrë të parët . deri në këto momente tek individët që janë vaksinuar nuk është shfaqur asnjë komplikacion.
