Ditën e sotme data (29 gusht 2022) ka rënë zjarr në vendin e shenjtë për të gjithë besimtarët bektashi në Kuzum Baba.
Një vatër aktive zjarri është raportuar nga qytetarët në Kuzum Baba në Vlorë. Vatra e zjarrit ka rënë në pjesën e shpatit të kodrës, në pjesën e rrugës që njihet si shkallaret, ose ndryshe shkallët që kalojnë qytetarët dhe vijon të përhapet me shpejtësi si rrjedhojë e erës. Në atë zonë ka edhe banesa, janë rreth 10 shtëpi, të cilat rrezikoheshin nga flakët.
Paraprakisht dyshohet për zjarrvënie të qëllimshme nga persona të paidentifikuar. Zjarrfiksit e Vlorës shkuan në mënyrë urgjente për fikjen e zjarrit.
