DVP Vlorë, Nga specialistët për Hetimin e Krimeve Ekonomike dhe Financiare u referuan materialet në Prokurori dhe nisi procedimi penal në gjendje të lirë për shtetasin F. B., 42 vjeç, banues në Tiranë, pasi gjatë kontrollit të ushtruar në automjetin (në pronësi të një poste private) me drejtues këtë shtetas, është gjetur dhe sekuestruar një sasi mallrash pa faturë.
Nga specialistët për Hetimin e Krimeve të Komisariatit të Policisë Vlorë u arrestua në flagrancë shtetasi Sh. H., 64 vjeç, banues në Vlorë, pasi dyshohet se ka ushtruar dhunë fizike ndaj bashkëshortes së tij.
Nga specialistët për Hetimin e Krimeve të Komisariatit të Policisë Sarandë u arrestua në flagrancë shtetasi B. D., 28 vjeç, banues në Sarandë, pasi gjatë kontrollit fizik iu gjet dhe iu sekuestrua një sasi e vogël lënde narkotike e dyshuar cannabis sativa.
Gjithashtu u procedua penalisht në gjendje të lirë shtetasi S. P., 20 vjeç, pasi ka tentuar t’i blejë shtetasit B. D., lëndën e dyshuar narkotike. Materialet iu referuan Prokurorisë, për veprime të mëtejshme.
