Categories Lajme

Vrasja e Liridona Murselit në Kosovë, arrestohet bashkëshorti i saj

Policia e Kosovës ka njoftuar se ka arrestuar dy persona të dyshuar për vrasjen e Liridona Murselit.

“Pas përfundimit të ekzaminimit të vendit të ngjarjes, janë ndërmarrë veprimeve intensive hetimore të cilat kanë rezultuar në arrestimin e dy personave të dyshuar lidhur me rastin e sipër shënuar”, njoftoi policia.

Naim Murseli gjatë ceremonisë mortore të bashkëshortes

Prokuroria konfirmoi se një prej të arrestuarve është Naim Murseli, bashkëshorti i saj. I arrestuar është edhe një bashkëfshatar i tij. Ai quhet Granit Plava.

“Prokuroria Themelore në Prishtinë, njofton opinionin publik se në koordinim me Policinë e Kosovës, në vazhdën e veprimeve hetimore të ndërmarra në mënyrë intensive, lidhur me rastin e dt. 29.11.2023, i cili është vlerësuar fillimisht si “grabitje me pasoja të vrasjes”, ku ka mbetur e vdekur një grua, ka rezultuar me arrestimin e dy të dyshuarve të përfshirë në këtë rast. Sipas urdhëresës së Prokurorit të Shtetit dhe me aprovim të gjyqtarit të procedurës paraprake, Njësiti i Hetimeve të Përgjithshme të Prishtinës, në kuadër të Policisë së Kosovës, kanë realizuar bastisje në dy lokacione në Gjakovë, me ç’ rast nga ky aksion janë arrestuar personat Granit Plava (dorasi) dhe Naim Murseli (bashkëshorti i viktimës), të dyshuar në vrasjen e viktimës, si dhe është sekuestruar arma e cila dyshohet të jetë përdorur në këtë rastAktualisht, të dyshuarit janë duke u intervistuar në stacionin policor, derisa ndaj të njëjtëve prokuroria do t’i ndërmerr veprimet e mëtjme ligjore. Prokuroria në koordinim me policinë po vazhdon me ndërmarrjen e veprimeve hetimore lidhur me këtë rast”, thuhet në njoftimin e prokurorisë.

Policia e Kosovës thotë se po vazhdon operacionin dhe po bastis dy banesa në Gjakovë.

Dy ditë më parë u raportua se familja Murseli ra pre e një grabitjeje të armatosur në rrugën “Dalip Alshiqi” në Prishtinë, ku e vdekur mbeti gruaja 30-vjeçare. Ende nuk dihet arsyeja pas inskenimit të kësaj ngjarjeje të rëndë.

Naim Murseli ka qenë këshilltar i Behgjet Pacollit, kur ky i fundit ka qenë President i Kosovës. Ngjarja u raportua se ndodhi kur Liridona ka qenë së bashku me familjen e saj në makinë, bashkëshortin dhe dy fëmijët e tyre.

Murseli, i cili konsiderohej si dëshmitari kyç i kësaj historie, ka deklaruar më herët se familja ra pre e një grabitjeje. Autori i ndaloi dhe u kërkoi t’i jepnin sendet me vlerë.

Më pas, sipas tij, i qëlloi me armë zjarri duke lënë të vdekur gruan. Vetëm Naim Murseli tha se arriti të largohej bashkë me fëmijët./tvklan.al

Leave a Reply

Your email address will not be published. Required fields are marked *

Lexoni Gjithashtu

Categories Lajme

Tiranë/ I shpallur në kërkim, arrestohet 40-vjeçari

Ditën e sotme, në rrugën “Jordan Misja”, forcat e policisë kanë arrestuar shtetasin Kledist Hysa,…

LEXO ME SHUME
Categories Lajme

Zbardhet ngjarja në Don Bosko/ Kasandër Noga dyshohet se dha urdhër për vrasje, por autorët ngatërruan objektivin

Drejtori i Policisë Tiranë Tonin Vocaj ka zbardhur detaje për një ngjarje e rëndë kriminale,…

LEXO ME SHUME
Categories Lajme

“Zgjidhja nuk ishte vrasja”, sociologu për ngjarjen në Durrës: Familja shqiptare është zhytur thellë në kriminalitet

Sociologu, Gëzim Tushi, ka komentuar ngjarjen e rëndë që u raportua mëngjesin e kësaj të premte në…

LEXO ME SHUME
Categories Lajme

Zbardhet dëshmia e djalit që vrau babanë: I thashë çohu dhe e qëllova katër herë me pistoletë

Është zbardhur dëshmia e djalit të madh të familjes Meta, Hyseni, i cili vrau babanë…

LEXO ME SHUME
Categories Lajme

Këmbimi valutor/ Me sa blihen e shiten dollari dhe euro, çfarë ndodh me monedhat e tjera

Në tregun e këmbimit valutor shqiptar sot një dollar amerikan do të blihet me 95.5…

LEXO ME SHUME