Tre persona janë arrestuar në lidhje me vrasjen e shqiptarit më 12 tetor në Australi. Dy prej personave të rënë në pranga janë 23-vjeçari Matt Tenhoopen dhe 20-vjeçarja Bridie McCormack.
Mediat australiane shkruajnë se shqiptari i ekzekutuar në banesën e tij është identifikuar si 46-vjeçari Urim Gjabri.
Sipas policisë dy të arrestuarit janë pjesë e një bande kriminale të përfshirë dhe në vrasje të tjera. Vajza e arrestuar, 20-vjeçarja Bridie, ka ndihmuar vrasësin të futet në banesë dhe të ekzekutojë shqiptarin. Disa ditë më parë, më 21 Tetor u arrestua për këtë ngjarje edhe Aaron Donald Carver 35 vjeç, i akuzuar për vrasje.
Dyshohet se shkak i vrasjes së 46-vjeçarit mund të ketë qenë prishja e pazareve të drogës. Në shtëpinë e viktimës u gjetën disa bimë kanabisi të kultivuara aty. Lënda narkotike ishte marrë nga autorët e dyshuar pasi kishin ekzekutuar shqiptarin.
Vrasësi dhe bashkëpunëtorët u arratisën nga vendngjarja me makinën e viktimës, e cila u gjet e braktisur nga policia në një tjetër rrugë në atë zonë. Policia dyshon se edhe viktima Urim Gjabri ka qenë pjesë e një grupi kriminal në Murrai Brigde.
