Është vetëdorëzuar në Polici 34-vjeçari, Olger Mustafa i shpallur në kërkim nga Policia pasi me 17 janar të këtij viti ka vrarë me armë 30-vjecarin, Altin Balliu.
Olger Mustafa rezulton me precedent të mëparshëm penal për vrasje të mbetur në tentative dhe armëmbjtje pa leje për të cilat është dënuar me 12 vite burg pasi tentoi të vriste bashkëmoshatarin e tij atë kohë, Majkëll Hysollin. I riu i shpëtoi për mrekulli edhe pse u qëllua me 7 plumba me breshëri automatiku teksa lëvizte me një mjet tip “Audi” me targa të huaja .
Kujtojmë se konflikti që çoi në vrasjen e Altin Balliut ka nisur për motive të dobëta, pas një sherri në një lokal .
Besohet se pak kohë pas sherrit në lokal, personi tjetër i përfshirë në konflikt është hakmarrë duke e qëlluar për vdekje nga një distancë e afërt.
Si pasojë e të shtënave me armë, rrugës për në spital humbi jetën Altin Balliu, lindur në Slabinjë të Pogradecit.
