Momente frike dhe paniku për yllin e Spanjës, Dani Olmo. 24-vjeçari, i cili po kalon pushimet në Valencia, është bërë viktimë e një grabitjeje në mes të rrugës.
Hajdutët kanë pritur lojtarin e Lajpcigut në dalje të një qendre estetike dhe e kanë sulmuar në rrugë, duke i marrë me dhunë një orë luksoze me vlerë 30 mijë euro.
Vëllai i Dani Olmos, i cili ishte me të në momentin e sulmit, është përpjekur ta parandalonte grabitjen, por u plagos në momentin kur tentoi të parandalonte arratisjen e hajdutëve me një automjet.
Për shkak të plagëve të marrë, është detyruar të kërkojë trajtim mjekësor, por për fat të mirë nuk mori lëndime të rënda.
