Një ngjarje e rëndë tronditi Shkodrën këtë mbrëmje, ku një të riu i është bërë atentat me armë zjarri.
Mësohet se viktima është Erjon Xhenja. Dyshohet se autorët kanë qenë me motoçikletë në momentin kur kanë kryer vrasjen brenda ambienteve të një lokali.
Më pas, menjëherë pas krimit ata janë larguar me shpejtësi duke u futur në një rrugicë dytësore.
Po ashtu bëhet e ditur se i riu është qëlluar me breshëri plumbash. Në vendin e ngjarjes jane gjetur rreth 30 gëzhoja. Ndërkohë zona është e populluar dhe me biznese, kamerat e te cilave mund te hedhin drite mbi zbardhjen e ngjarjes dhe identifikimin e autoreve.
I pranishëm në vendin e ngjarjes është edhe drejtori i Policisë së Shkodrës dhe kanë nisur punën për zbardhjen e kësaj ngjarje të rëndë.
