Blutë e Vlorës kanë zbuluar një banesë të përshtatur për kultivimin e bimëve narkotike, në lagjen “1 Maji”. Sipas asaj që njofton policia në ambientet e kësaj banese janë gjetur dhe sekuestruar, 411 pajisje të ndryshme elektrike që përdoren për kultivimin e bimëve narkotike në ambjente të mbyllura dhe 10 bidona me substanca kimike për bimët.
Gjithashtu, policia ka sekuestruar edhe doza kanabisi, municion luftarak dhe një kallëp lënde plasëse (tritol) me kapsollë detonatore të vendosur dhe fitil zjarrpërcjellës të montuar. Ndërkohë është proceduar në gjendje të lirë një shtetas tjetër, pasi iu gjet një sasi lënde e dyshuar narkotike, që dyshohet se ia kishte blerë 37-vjeçarit të arrestuar.
