Qindra njerëz janë evakuuar nga hotelet dhe plazhet në Greqi ndërsa zjarrfikësit trajtojnë dhjetëra zjarre në të gjithë vendin.
Rreth 700 zjarrfikës u vendosën gjatë fundjavës ndërsa zjarret u përhapën, të ndezura nga erërat e forta dhe kushtet e nxehta dhe të thata, thanë zyrtarët.Një nga zjarret më të këqija, në ishullin Samos, detyroi autoritetet të transferojnë njerëz nga disa hotele.Prania e zjarreve haset shpesh në Greqi ndërsa temperaturat rriten në muajt e thatë të verës.
Të Dielën, kreu i mbrojtjes civile në Greqi paralajmëroi për një “rrezik të lartë” të zjarreve në shpërthim në disa zona, përfshirë rajonin jugor të Peloponezit dhe në Kretë.Zjarri në Samos gjatë fundjavës çoi në evakuimin e rreth 1.000 turistëve dhe banorëve nga plazhet e njohura në lindje të ishullit, raporton agjensia greke e lajmeve ANA.
Fotografitë e postuara në rrjetet sociale treguan retë e tymit që shfaqeshin nëpër ishull ndërsa njerëzit ishin marrë me anije.Zjarri ishte vendosur kryesisht nën kontroll të hënën, tha departamenti i zjarrit.Dy persona në të dyzetat e tyre u arrestuan në Peloponez për fillimin me qëllim të zjarreve, raporton gazeta greke Ekathimerini. Njëri dyshohet se është përgjegjës për një zjarr pyjor në rajon, ndërsa tjetri besohet të ketë filluar tre zjarre të ndryshme.
Në fillim të këtij muaji, zjarret përshkuan një “pyll pishe, të paprekur” në ishullin Grek të Evia, në atë që u përshkrua si një “fatkeqësi e madhe ekologjike”.Qindra njerëz u evakuuan nga fshatrat e afërta ndërsa zjarri shkatërroi pyllin e dendur.
