Një person ka rënë në prangat e policisë pasditen e sotme në Peqin, pasi dyshohet se u përfshi në aksidentin e ndodhur mëngjesin e sotëm, në aksin Elbasan- Peqin, ku për pasojë humbi jetën një fëmijë 5-vjeç. Sipas policisë në pranga ka rënë 51-vjeçarija me inicialet K.L. në aksident u përfshinë dy automjete, një tip “Fiat”, që drejtohej nga 51-vjeçarja dhe mjeti tip “Volkswagen.
Njoftimi i plotë i policisë: Peqin Specialistët e Qarkullimit Rrugor në DVP Elbasan, në përfundim të veprimeve të para hetimore arrestuan në flagrancë shtetasen: K.L., 51 vjeçe, banuese në Peqin, për veprën penale, ” Shkelje e rregullave të qarkullimit rrugor”.
Shtetasja K.L., duke drejtuar mjetin tip “Fiat”, në aksin rrugor Elbasan- Peqin, është përplasur me mjetin tip “Volkswagen”, me drejtues shtetasin H.S., banues në Elbasan. Për pasojë është plagosur jashtë rrezikut për jetën drejtuesja e mjetit ” Fiat” si dhe ka humbur jetën pasagjeri shtetasi L.S., 5 vjeç, banues në Peqin. Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
