Sëmundja e Alzheimerit dhe format e tjera të demencës janë aktualisht të pashërueshme, kjo është arsyeja pse shkencëtarët po përqendrohen në mënyrat e mundshme për të parandaluar dhe vonuar shfaqjen e sëmundjes.
Në këtë kontekst, rekomandohet një dietë e shëndetshme dhe e ekuilibruar për të ruajtur shëndetin e mirë të trurit. Një studim shkencor i kryer nga studiuesit nga Cornell University College Will Medical School në Nju Jork, arriti në përfundimin se dieta mesdhetare mund të vonojë fillimin e Alzheimerit deri në tre vjet e gjysmë.
Shkencëtarët studiuan 70 vullnetarë të moshës 30 deri në 60 vjeç të cilët nuk shfaqën simptoma të prapambetjes mendore në fillim të studimit. Nga numri i përgjithshëm i vullnetarëve, 34 prej tyre dukej se përputheshin me kërkesat e dietës mesdhetare, ndërsa 36 të tjerët jo.
Analiza e studiuesve tregoi se pjesëmarrësit që nuk ndiqnin dietën mesdhetare treguan një “gjurmë” biologjike më të fortë të Alzheimerit në trurin e tyre si në fillim të studimit ashtu edhe pas periudhës trevjeçare në krahasim me ata që i përmbaheshin kësaj diete. Akumulimi i proteinës beta amiloid konsiderohet si një “gjurmë” biologjike e Alzheimerit në tru, por edhe çrregullim i metabolizmit të glukozës në tru. Bazuar në gjetjet e tyre, studiuesit vlerësuan se dieta mesdhetare mund të vonojë fillimin e Alzheimerit me 1.5 deri në 3.5 vjet.
