Babë e bir që i përkisnin mafies italiane Cosa Nostra janë arrestuar nga policia italiane. Të arrestuarit janë Giuseppe Guttadauro, i njohur si “Il dottore” (mjeku) dhe djali i tij Mario Carlo, të dy anëtarë të Cosa Nostra-s dhe të akuzuar për krime të ndryshme të natyrës mafioze.
Hetimet kanë zbuluar se Guttadauro do të organizonte një tregti droge me vendet e huaja, të financuar nga disa palermitanë, duke hapur një kanal për blerjen e k okainës me Amerikën e Jugut dhe me një shqiptar për furnizimin me d rogë.
Organizata në të cilën bëjnë pjesë të arrestuarit rezulton se kanë përdorur edhe një stjuardesë për të dërguar në Brazil rreth 300 mijë euro, para të ardhura nga shitja e k okainës.
Giuseppe Guttadauro, për më tepër, do të kishte planifikuar një trafik droge me vendet e huaja, të financuar nga palermitanët. Ideja ishte komplekse dhe e artikuluar dhe përfshinte Shqipërinë, Brazilin dhe Holandën përmes kanaleve të dedikuara për kalimin e drogës dhe atë të parave të destinuara për pagesë.
Droga duhej të vinte nga kanale të ndryshme. Hashashi nga lindja, kokaina nga Amerika e Jugut. Projekti parashikonte përdorimin e një shqiptari për gjetjen e drogës dhe në të njëjtën kohë ofrimin e një kanali për kalimin e kokainës nga Amerika e Jugut, e cila mund të mbërrinte gjithmonë përmes Shqipërisë ose rrugëve të tjera përmes Holandës.
