Një ngjarje e rëndë ka ndodhur ditën e sotme në qytetin e Durrësit ku raportohet se një 33-vjeçar me iniciale B.M ka humbur jetën.
Sipas informacionit zyrtar të policisë i riu ka qenë duke bërë xhiro me një motorr ujë teksa ka rënë e në përpjekje për të mbijetuar nuk ia ka dal dot t’u shpëtonte dallgëve të mëdha në Gjirin e Lalëzit.
Informacion Paraprak
Më datë 28.07.2019,rreth orës 13:50, në Gjirin e Lalëzit, Durrës, shtetasi B.M., rreth 33 vjeç, banues në Tiranë, duke bërë xhiro në det me motorr ujë është rrëzuar dhe është mbytur, ai u transportua në Spitalin Rajonal Durrës, ku ka ndërruar jetë.
Grupi Hetimor po punon për zbardhjen e plotë të ngjarjes.
Ndërkaq bëhet me dije se ditën e sotme ka humbur jetë dhe një 50-vjeçare po në qytetin e Durrësit.
Nga venngjarja thuhet se gruaja është future në det dhe pikërisht aty ka humbur jetën, por jo nga mbytja.
50-vjeçarja mendohet të ketë pasur më herët problem shëndetësore.
Informacion Paraprak
Më datë 28.07.2019,rreth orës 13:40, në lagjen nr.13,Durrës, shtetasja N.T., rreth 50 vjeçe, banues në Tiranë, është futur në det dhe nuk është ndjerë mirë, ajo është nxjerrë nga pushuesit dhe është transportuar në Spitalin Rajonal Durrës, ku ka ndërruar jetë, dyshohet për shkak të problemeve shëndetësore ( vuante nga zemra).
Grupi Hetimor po punon për zbardhjen e plotë të ngjarjes.
