Nënkryetari i LSI-së, Petrit Vasili, ka reaguar ndaj deklaratave të kryeministrit Rama një ditë më parë në parlament lidhur me çështjen detare. Sipas Vasilit, me belbëzimet e tij, shefi i qeverisë nuk bëri asgjë tjetër veçse konfirmoi tradhëtinë e tij.
Ai thotë se opinioni nuk mori asnjë përgjigje nga Kryeministri për këtë çështje, porse u zvarrit vetëm pas deklaratave greke. Rekordet e tij si matrapaz kufijsh nga Shqiperia deri ne Kosove, thekson Vasili, e bejne deshperimisht te pabesueshem. Ndërkohë Rama në nisje të sesionit të ri parlamentar dje tha se ata që e lëshuan detin, po e mbrojnë sot.
Sipas tij, kreu i opozitës, atëherë Ministër i Jashtëm, e firmosi marrëveshjen në 2009, me buzëqeshjen më të gjatë që kishte parë ndonjëherë. Rama tha se deti nuk mund të lëshohet, dhe se nuk është materie që mund të ndahet, siç ndante LSI tenderat për ARRSH. Pritet që së shpejti, Ministri i Jashtëm grek, të vizitojë Tiranën për të rinisur bisedimet.
