Ministri i Brendshëm Bledi Çuçi ka reaguar pas dhunës barbare që anëtarë të fisit Rraja ushtruan ndaj dy kushërinjve në Krujë, pas një konflikti për guroren në Borizanë.
Ministri shprehet janë të rënda dhe të papranueshme pamjet e dhunës ndërsa shtoi se askush nuk është mbi ligjin dhe s’mund t’u shpëtojë përgjegjësive në asnjë rrethanë.
Më tej Çuçi u shpreh se policia ka arrestuar 4 persona në lidhje me ngjarjen e rëdnë dhe po punohet për kapjen e 3 të tjerë.
Reagimi i Çuçit:
Të rënda e të papranueshme pamjet e dhunës në Krujë. Askush nuk është mbi ligjin dhe s’mund t’u shpëtojë përgjegjësive në asnjë rrethanë.
Policia e Shtetit ka ushtruar kontroll të imtësishëm në banesat e të dyshuarve, ka arrestuar 4 persona sot herët në mëngjes dhe po punon për kapjen sa më parë të 3 të tjerëve të përfshirë në ngjarje.
Çdo insinuatë tjetër s’ka lidhje me të vërtetën dhe me punën e Policisë së Shtetit për të çuar autorët përpara drejtësisë.
