Dua Lipa dhe Rita Ora arrijnë majat, renditen në listën mes artisteve të shekullit XXI në Britani

Pink është vlerësuar si artistja më e dëgjuar në Mbretërinë e Bashkuar që kur filloi shekulli 21, sipas kompanisë së licensimit PPL. Renditja u përpilua nga të dhënat e stacioneve radiofonike dhe kanaleve televizive në Britani. Ylli amerikan i popit ka pasur tre albume numër një në Mbretërinë e Bashkuar dhe një mori vlerësimesh duke përfshirë tre Grammy, shtatë MTV Video Music Aëards dhe një Emmy.

Madonna renditet e dyta falë rekordeve të suksesshëm si True Blue, Ray Of Light dhe muzikës gjatë një karriere që zgjati katër dekada. Ndërsa Katy Perry doli e treta pjesërisht për shkak të popullaritetit të albumit të saj të tretë “Teenage Dream”, ndërsa Rihanna dhe Lady Gaga u renditën përkatësisht në vendin e katërt dhe të pestë.

Në vendin e gjashtë vjen Adele, albumi “21” i së cilës ëhstë shitur në më shumë se pesë milionë kopje, duke u bërë një nga më të suksesshmit e të gjitha kohërave. Mes artisteve janë edhe dy këngëtaret me origjinë shqiptare Rita Ora dhe Dua Lipa Duke u shprehur e lumtur për këtë sukses, Ora 30-vjeçare shkroi në Instagram.

“Kjo është e mahnitshme. Jam mirënjohëse çdo ditë, shekulli 21 është shumë i gjatë, kështu që edhe ta konsiderosh është thjesht e mrekullueshme. Kthehem në studio atje ku filloi gjithçka”, shkruan Rita teksa ka ndarë me fansat edhe një foto tatuazhi që simbolizon fuqinë.

Ndërsa Dua Lipa renditet e 14 në listën me 20 zërat më të dëgjuar të shekullit.

Lista e artistëve të shek XXI