Kryeministri Edi Rama deklaroi sot se pagesa e ndihmës ekonomike do të dyfishohet deri në fund të pandemisë së COVID-19.
Në ndalesën e radhës në Vlorë, në kuadër të turit ”Deputeti që duam” Rama tha se pagesa e ndihmës ekonomike dyfishohet për të ndihmuar të gjithë ata qytetarë të përballojnë jetesën dhe të mos detyrohen të dalin dhe të kërkojnë një punë në të zezë.
Në këtë mënyrë, tha ai, ata do të kenë mundësi të qëndrojnë të sigurt në shtëpi, duke zbatuar protokollet e sigurisë kundër COVID-19.
Rama u shpreh se kjo mbështetje sociale po ndërmerret falë politikave të suksesshme financiare të ndjekura deri më sot, duke na lejuar që edhe në këtë faze të paguajmë në mënyrë dinjitoze ata që janë në skemën e ndihmës ekonomike, apo naftëtarët të cilët as nuk e prisnin mbështetjen e dhënë nga qeveria ditën e djeshme
