Gjashte raste të reja me Còvid 19 janë zbuluar në 24 orët e fundit në Shkodër, e cila ka qenë një nga qytetet me numrin më të lartë të të ínfektuarve përgjatë këtyre muajve. Burime bëjnë me dije se ka rezultuar pozitive një punonjëse e gjykatës se rrethit gjyqësor Shkodër, si dhe një pacient i cili ka qenë i shtruar në spitalin rajonal. Ndërsa pjesa tjetër janë kontakte të personave të cilët kanë rezultuar pozitiv ditë më parë.
Ndërkohë në të gjithë vendin në 24 orët e fundit janë zbuluar 53 raste të reja me Còvid 19, ndërsa ka ndërruar jetë një 70 vjeçare nga Durrësi, e prekur nga Covid 19 dhe me sëmundje të tjera shoqëruese, e cila ishte e shtruar prej disa ditësh në spitalin Infektiv. Sipas deklaratës së Ministrisë së Shëndetësisë 63 pacientë ndodhen të shtruar në Infektiv, mes tyre dhe mosha të reja. Numri i personave që kanë humbur jetën në vendin tonë që prej fillimit të pandemisë ka shkuar në 43. Edhe ne Sarandë eshtë shënuar rasti i dytë me COVID-19 në.
Një 23 vjeçar banues në Manastir të Ksamilit ka rezultuar pozitiv me koronavirus.
“Fillimisht ai shfaqi simptoma të një gripi të thjeshtë e më pas iu mor tamponi nga ku rezultoi pozitiv me COVID-19. Më pas ai u dërgua në spitalin Covid-1 në Tiranë. Që prej ditës së djeshme DVPSh Sarandë ka marrë të gjitha masat e nevojshme për izolimin e kontakteve të tij. Mëngjesin e sotëm të gjitha tamponet e kontakteve të 23 vjeçarit rezultuan negative” – raportoi gazetarja, Anxhela Lushkaj. Sipas burimeve, 23 dyshohet të jetë infektuar në një nga baret e Ksamilit.
