Ksamil. Mësohet se një 69-vjeçare është rrëzuar aksidentalisht nga një lartësi në plazh. Sakaq, bëhet me dije se bëhet fjalë për shtetasen Kristina Cauli, nga Berati, e cila është transportuar drejt Spitalit të Sarandës në gjendje të rëndë, ku më pas ka ndërruar jetë. Ndërkohë, grupi hetimor po punon për zbardhjen e plotë të ngjarjes.
Njoftimi i policisë: Në plazhin e Ksamilit, dyshohet se është rrëzuar aksidentalisht nga një mur, shtetësia K. Ç., 69 vjeçe, banuese në Berat, e cila ka qenë me pushime dhe e shoqëruar nga familjarët e saj. Si pasojë e rrëzimit ajo ka marrë dëmtime në kokë dhe pas ndërhyrjes së mjekësve në Spitalin e Sarandës ka ndërruar jetë. Grupi hetimor po kryen veprimet e mëtejshme në lidhje me ngjarjen.
