Lojtari i Kombëtares së Shqipërisë, Eros Grezda ka treguar për emocionet që ka kaluar gjatë ditëve të para teksa u transferua tek Rengers. Ai ka treguar edhe për mikpritjen e komunitetit shqiptar, i cili jeton prej vitesh në Skoci, ndërsa tregoi se ka marrë është mesazhe prej tyre. Në një prononcim për “Ranger TV”, Grezda theksoi se e dinte edhe para se të mbërrinte në Skoci se aty ka shqiptarë që jetojnë dhe punojnë prej vitesh dhe kjo e ka gëzuar shumë. Gjithashtu ai u ndal edhe tek ndjesia e thellë kur dëgjoi të flitet gjuha shqipe mes shqiptarëve në Skoci. “E dija që kishte shqiptarë kur mbërrita këtu.
Ata më dërguan mesazhe, më thanë që kemi restorante ku mund të vish të na vizitosh. Sigurisht që më pëlqeu shumë, kjo është gjuha ime, populli im. Ndaj kur u takova më ta, e ndjeva veten shumë rehat dhe tani që kam takuar disa shqiptarë këtu, gjithçka është shumë, shumë mire”, tha ai. Kjo padyshim që të ndihmon që të ambientohesh, pasi kur ke dikë që flet gjuhën tënde, është më e thjeshtë dhe nuk ndjehesh i vetmuar”, përfundoi Grezda.
