Anglia mund të marrë një dënim nga UEFA për kaosin e shkaktuar nga tifozët në vigjilje të finales së madhe të EURO 2020. Bëhet fjalë për vendimin e procedimit disiplinor që UEFA kishte hapur ndaj Anglisë pas finales në “Wembley”, për qindra tifozë që thyen rrethimin dhe u futën pa bileta në impiantin gjigant të futbollit në Londër.
UEFA nisi proçedimin ndaj Federatës Angleze për thyerjen e sigurisë në një finale kaq të rëndësishme dhe rreziku siç e pranojnë vet mediat vendase është dënimi me një ndeshje pa tifozë.
Në këtë rast mund të përfitojë Shqipëria, që mund të ketë një situatë të ngjashme si në ndeshjen kundër Hungarisë. Vendimi nga UEFA nuk ka të bëjë me paralajmërimin nga FIFA për trazirat që ndodhën pikërisht në ndeshjen e djeshme ndaj Hungarisë, dhe ai mund të jetë një tjetër fakt që mund të shtyjë në dënimin për “Tre Luanët”.
Ndeshja Angli-Shqipëri është programuar për t’u luajtur më 12 Nëntor dhe do të jetë sfida e parafundit për kuqezinjtë, që do ta mbyllin në shtëpi ndaj Andorrës. Me siguri dhe në atë ndeshje pa tifozë.
