Tashmë është zyrtare, Bekim Balaj është lojtari më i ri i skuadrës austriake të Sturm Graz. Sulmuesi i Kombëtares përmes një postimi në “Instagram”, ka pozuar me fanellën bardhezi të Shturmit. Shkodrani la Akhmat Groznin në Rusi dhe shkoi në Austri si një lojtar i lirë. Skuadra austriake e mbylli kampionatin në vendin e pestë sezonin që lamë pas dhe është një klub me jo pak traditë në vendin e vet. Ndërkaq Balaj ka shkruar: “Kapitull i ri në karrierë time. Me zor pres të fillojmë. Faleminderit Shkumbin Qormemetin për marrëveshjen e arritur!”.
