Skandal në shortin e Champions League. Atlético Madrid reklamoi përballjen me Bayern Munich në 1/8 finale të Champions League, pasi i ka paraprirë një parregullsi flagrante.
Zyrtari i UEFA-s, i ngarkuar për vendosjen e goglave në vazon nga e cila ka dalë rivali i skuadrës së Diego Simeones, ka gabuar dhe ka vendosur atë të Liverpool-it në vend të Manchester United. Pasi përkoi në fazën e grupeve, ishte e pamundur që Liverpool të mund të shortohej me Atlético Madridin.
Por, përveç kësaj, në vazon e duhur nuk ishte një nga rivalët e mundshëm, që në këtë rast mban emrin e Manchester United. Tashmë, më parë, i njëjti zyrtar kishte bërë një gabim flagrant, kur gabimisht vendosi goglën e Manchester United në ndeshjen e mundshme me Villarrealin, pavarësisht se të dyja skuadrat kishin përkuar në fazën e grupeve. Pra, nuk mund të përballeshin më. Më pas, gjatë hapjes së goglave ato përkonin dhe u vu re gabimi. UEFA bën me dije se shorti do të rihidhet në orën 15:00 dhe do të kemi çifte të reja.
