Në lagjen Emshir të Prishtinës, janë gjetur dy persona të pajetë. Lajmin për Radion Evropa e Lirë e konfirmoi zëdhënësja për rajonin e Prishtinës e Policisë së Kosovës, Flora Ahmeti.
“Rreth orës 09:00 policia ka pranuar informatën për dy persona të pajetë në lagjen Emshir në Prishtinë. Menjëherë pas marrjes së informatës policia ka dalë në vendin e ngjarjes bashkë me prokurorin e shtetit dhe mjekët emergjentë”, tha Ahmeti. Policia e Kosovës tha se ka nisur hetimin për të zbardhur rrethanat e kësaj ngjarjeje./REL
