Një filial i institucioni financiar i Kredo.al në Peshkopi, ka rënë pre e grabitjes paraditen e sotme. Policia bën me dije se një person i maskuar me kapuç me një thikë në dorë është futur brenda bankës. Pasi ka marrë një shumë parash ai është larguar në drejtim të paditur.
Tashmë policia po këqyr pamjet filmike për të bërë mundur identifikimin e tij ndërsa në hyrje-daljet e qytetit janë ngritur disa pika kontrolli.
“Rreth orës 10.00, në një filial banke në qytetin e Peshkopisë, një person i maskuar me kapuç, nën kërcënimin e një mjeti prerës dyshohet se ka marrë një shumë parash dhe është larguar.
Grupi hetimor ndodhet në vendin e ngjarjes, po kqyren kamerat e sigurisë dhe po fiksohet çdo provë me qëllim identifikimin e autorit. Shërbimet e policisë kanë ngritur pika kontrolli në hyrje-daljet e qytetit, për kapjen e autorit”, njofton policia.
