Dy mjekë në Fier kanë rezultuar pozitivë në testin e Covid-19, duke shtuar numrin e bluzave të bardha të vendosur tashmë në karantinë. Mësohet se edhe një grua ka dalë pozitive ndaj testit, çka pritet të shtoj me tre numrin e personave te prekur në këtë qytet. Një mjek anestezist i spitalit të Fierit ka rezultuar pozitivë pas marrjes së tamponit, i cili ka paraqitur simptoma.
Mësohet se mjeku ka qenë gjatë ditëve të fundit në qytetin e Vlorës, ku edhe mund të jetë prekur nga virusi. Në momentin e parë që ka konstatuar shenja të virusit nuk është paraqitur më në punë, ndërsa deri më tani nuk është pezulluar asnjë ndërhyrje në këtë spital. Po ashtu një tjetër mjek, i cili punon në Levan, por banon në Fier ka rezultuar pozitivë me Covid, duke bërë që të merren tamponët për kontaktet e afërta të tij. Pozitive për koronavirus ka rezultuar edhe një grua tjetër, duke e çuar në tre deri tani, numrin e personave të prekur në Fier gjatë 24 orëve. /Abc News
