Më shumë se 20 qytetarë shqiptarë dhe gjeorgjianë janë dëbuar nga Irlanda. Dëbimi pason një operacion të përbashkët që përfshin Zyrën e Migracionit (GNIB) dhe agjencitë ndërkombëtare, përfshirë Frontex, Agjencinë Kufitare të BE-së. Rreth 19 meshkuj dhe katër femra, të cilët janë të gjithë të rritur, iu nënshtruan urdhrit të dëbimit nga territori i shteteve anëtare të Bashkimit Evropian dhe shteteve të lidhura me Shengen, shkruajne mediat irlandeze. Të 23 personat, të cilëve iu ishte refuzuar azili, u nisën me avion nga aeroporti i Dublinit për në Tiranë dhe Tbilisi të Gjeorgjisë. Muajin e kaluar, Kryeministri Irlancez Leo Varadkar tha se një numër i madh i shqiptarëve dhe shtetasve gjeorgjianë po hynin në Irlandë duke përdorur dokumente të rreme dhe më pas duke kërkuar azil.
Varadkar tha “ne nuk mund të tolerojmë hyrjen e paligjshme” dhe shtoi se masat e sigurisë po rriteshin për të zgjidhur çështjen. (BalkanWeb)
