Patatet janë shumë të rëndësishme në çdo kuzhinë edhe për faktin se jetojnë gjatë në kohë. Vendosini patatet në një enë të hapur, që e lejon ajrin të qarkullojë në qilarin tuaj apo në një vend tjetër të errët që është i ftohtë dhe i thatë.
Shumica e varieteteve do të jetojnë për një muaj, edhe pse patatet e reja duhet të përdoren brenda një jave. Mbajini ato jashtë frigoriferit për të ruajtur niseshtenë e tyre natyrore dhe mos i vendosni ato pranë mollëve ose qepëve, të cilat lirojnë gazra që nxisin prishjen. Një ndër mënyrat që të ruani patatet e qëruara është që t’i lini në ujë të pastër dhe t’i fusni në frigorifer, kështu mund t’i ruani deri në 24 orë.
Të nesërmen mund t’ia derdhni ujin, t’i lani dhe t’i fërgoni. Në këtë mënyrë mund të ruhen edhe kur janë të prera për pomfrit. Mënyra tjetër është që t’i zieni shpejt dhe t’i ngrini. Priteni pataten për pomfrit dhe nxehni yndyrën në fritezë; kjo mund të jetë yndyrë speciale për fritezë. Yndyrën nxeheni në 180 gradë, zieni shpejt patatet rreth 2 – 3 minuta, pastaj vendosni në leckë kuzhine dhe lëreni në tepsi apo në tabaka që të ftohen.
