Vetëm një person ka rezultuar me korònavirus gjatë 24 orëve të fundit në Tepelenë. Burime për Faxweb.al bëjnë me dije se është pompist i një karburanti dhe dyshohet se është ínfektuar në Tiranë në një dasmë.
Edhe dy ditë më parë, Ministria e Shëndetësisë konfirmoi 7 raste pozitivë me korònavirus në qytetin e Tepelenës që ishin pjesëtarë të dy familjeve, banues në fshatin Dukaj. Dyshohej se Còvidin e kanë marrë në një dasmë në Tiranë ku ishin të ftuar. Kujtojmë se Ministria e Shëndetësisë ka ndaluar të gjitha grumbullimet masive në ceremoni gëzimi apo mortore.
Gjatë 24 orëve të fundit, kanë rezultuar pozitivë 108 pacientë nga 477 testime të kryera. Në 24 orët e fundit, nuk e kanë fituar dot betejën me sëmundjen 3 qytetarë: një 77 vjeçare dhe një 83 vjeçar nga Tirana me sëmundje bashkëshoqëruese dhe një 68 vjeçar nga Hasi pa sëmundje të tjera. Edhe situata në spitale është shqetësuese pasi në spitalin Infektiv dhe spitalin “Shefqet Ndroqi” po trajtohen 126 pacientë, 22 në terapi intensive dhe 12 të intubuar.
