Një nga talentet e reja shqiptare dhe tanimë i njohur në Amerikë, ka performuar mbrëmjen e Krishtlindjeve para figurave të njohura të muzikës botërore.
Bëhet fjala për Albert Stanaj, i cili ka kënduar këngën “Last Chrismas” para një grupi njerëzish dhe midis tyre ishin edhe dy këngëtaret më të njohura, Jennifer Lopez dhe Sia.
Këngëtari ka bërë publike videon në rrjetin e tij social “Instagram”, ku duket qartë se këngëtaret janë “dashuruar” me zërin e djaloshit shqiptar.
“Gëzuar Krishtlindjet! Kjo ishte dhurata më e bukur! Të këndoja para këtyre legjendave! Sia është përpara meje dhe Alex me JLo janë ulur aty para. Ndihem kaq i bekuar këto Krishtlindje!”, shkruan Stanaj në “Instagram”.