Në sheshin “Skënderbej” pritet të organizohet një koncert në natën e ndërrimit të viteve. Mes tingujve të muzikës, argëtimit dhe dritave, Bashkia e Tiranës organizon koncertin madhështor. Pjesë e tij do të jenë këngëtarët më në zë si Elhaida Dani, Eneda Tarifa dhe Mariza Ikonomi. Lajmin e ka bërë të ditur kryebashkiaku Erion Veliaj nëpërmjet një postimi në Instagram dhe fton të gjithë të bëhen pjesë. “Gati? Siç e kemi bërë traditë tashmë, ndërrimin e viteve e presim te sheshi “Skënderbej”. Një spektakël i paparë fishekzjarresh për të pritur #Tirana100VjetKryeqytet dhe një koncert madhështor na presin më 31 Dhjetor ora 23:00 me @enedatarifa, @ikonomimariza dhe @elhaidadani93. Lajmëro familjarët e miqtë dhe eja”, shkruan Veliaj.
Categories
Lajme
