Eshtë gjetur sot nga Policia Kufitare në Portin e Durrësit një shumë prej 108 mijë euro , gjatë kontrolleve në një autobus me drejtues shtetasin I. F. Gjatë kontrollit, Policia Kufitare ka gjetur disa pako me euro të fshehura në kutitë e mbushura me rroba dhe tek kutitë e celularëve, në shumën rreth 58 mije euro.
Ndërsa nga kontrolli në tavanin e autobuzit janë gjetur rreth 50 mije euro të tjera të fshehura. Gjithashtu janë konstatuar mbi 25 pako brenda të cilave ndodheshin rreth 500 telefona celularë pa faturë shoqëruese, e një sasi rrobash .Vijon kontrolli i imtësishëm për gjetjen e sendeve të tjera të kundërligjshme. Për veprime të mëtejshme janë njoftuar shërbimet e DVP Durrës.
