Një aksident i pazakontë ka ndodhur pasditen e sotme në dalje të qytetit të Korçës, ku janë përfshirë dy automjete. Siç shihet dhe në fotot e mëposhtme, njëra prej makinave tip “Rav4” ka dalë nga rruga pas përplasjes së fortë, duke përfunduar në oborrin e një banese afër rrugës.
Përplasja e dy automjeteve ka qenë aq e fortë sa makinat kanë thyer pemët që ishin të mbjella në trotuar, si dhe është shkatërruar një derë prej hekuri të banesës.
Raportohet se nga aksidenti ka mbetur i plagosur drejtuesi i mjetit që doli nga rruga, i cili është dërguar në spital. Paraprakisht dyshohet se shkak i aksidentit ka qenë shpejtësia e madhe me të cilin lëviznin mjetet e përfshira në aksident.
