Leonard Thodhori dhe Fatmir Sulovari rezultojnë të zhdukur për më shumë se dy javë në qytetin e Sarandës.

Dyshohet se personat në fjalë të dy 46 vjeç, të jenë vrarë dhe groposur në fshatin Vrinë të Bashkisë së Konispolit. Drejt kësaj zone mëngjesin e sotëm janë nisur familjarët e dy të zhdukurve, të cilët vetë do të kërkojnë për trupat e tyre.

Dyshohet se shkak i kësaj ngjarje mund të jetë konflikti që kishin dy të zhdukurit me disa persona për shkak të një toke. Policia nuk ka dhënë më shumë detaje në lidhje me ngjarjen, por kujtojmë që gjatë dy ditëve të fundit janë ushtruar kontrolle “blic” në Sarandë dhe janë shoqëruar disa persona me precedentëë penal.

Po ashtu dyshohet se policia ka sekuestruar një mjet, me të cilën dyshohet se autorët kanë marrë peng Leonard Thodhorin dhe Fatmir Sulovarin.