Liverpool nuk ka lejuar befasi në Ligën e Kampionëve, duke e mposhtur 4:3 Salzburgun në ‘Anfield Road’. U mendua se kjo sfidë do të jetë e lehtë për Liverpoolin, kur brenda 36 minutave shënoi tri gola me anë të Sadio Mane, Robertson dhe Mohamed Salah.
Fundi i pjesës së parë solli edhe këndelljen e mysafirëve, që fillimisht ngushtuan epërsinë në 3:1 nëpërmjet Hwang Hee Chan.
Në pjesën e dytë, austriakët shënuan edhe dy herë të tjera, në minutën e 56’ me anë të Takumi Minamino dhe Braut Haaland në minutën e 60’, për barazimin 3:3. Për të shpëtuar Liverpoolin nga kjo befasi, u përkujdes Mohamed Salah, që në minutën e 69’, shënoi për 4:3.
