Pazar për herë të fundit… Kancelarja gjermane, Angela Merkel, 66 vjeç, u filmua duke bërë pazar në një market në Berlin të hënën në mbrëmje. Njësoj si miliona gjermane, edhe ajo po përgatitet për izolimin e rreptë. Sipas BILD, Merkel bën pazar vazhdimisht te ky supermarket. Gjermania pritet të nisë një izolim të rreptë, me shpresë për të ulur numrat e të infektuarve nga koronavirusi.
Masat do të jenë në fuqi deri më 10 janar. Për festat e Krishtlindjes do të ketë një lehtësi shumë të lehtë të masave, ku do të lejohet që një familje të presë deri në katër persona anëtarë të ngushtë të familjes. Gjermania shpresat tashmë i sheh vetëm tek vaksina dhe kërkon që ta marrë atë brenda dhjetorit edhe pse është në dorë të BE. Ditën e djeshme në Gjermani 952 persona humbën jetën nga Covid-19, ndërsa u shënuan 23,427 raste.
